Aqqutissiuussisutut ilinniartitaanerup Nunatsinni meeqqanik, inuusuttunik inersimasunillu aqqutissiuussinemik siuarsaanissaq peqataaffigissavaa. Aqqutissiuussisutut ilinniartitaanerup aqqutissiukkat ataasiakkaat soqutigisaasa piginnaasaasalu salliutinnissaat qulakkiissavaa, tamatumalu saniatigut inuiaqatigiit piginnaasalinnik sulisoqarnissamut taamatullu ineriartortuarnissamut pisariaqartitaat salliutittuassallugu.
Modulinik sisamanik atuartitsiffiusunik tamarmik immikkut sap. ak. missaanik sivisussusilinnik aammalu namminersorluni ilinniarfiusuni modulinik sisamanik tamarmik immikkut qaammat ataaseq affarlu sivisussusilinnik immikkoortortaqarpoq. Tamatuma saniatigut moduli soraarummeerfiusussaq ullunik marlunnik sivisussusilik. Tunngaviusumik ilinniarnerup kingorna nangeqqinnissaq periarfissaavoq.
Pilersaarutaavoq 17 august. 2026 holdi nutaaq aallartissasoq, aappaagulu uge 23-mi inaarutaasumik misilitsittoqassalluni.
Ulloq qinnuteqarfissaq kingulleq tassaavoq pingasunngorneq 22. maj 2026.
Aqqutissiuussisutut tunngaviusumik ilinniartitaaneq ilinniartitsisunit marluinnik oqaasilinnit ingerlanneqarpoq. Ilinniarnermi atuakkat atuartitsissutillu allat qallunaatuujupput, atuartitsinerli kalaallisut ingerlanneqarluni.
