Portrætit

Pakkutannguaq Nuuk Water Taximi takornariartitsisuuvoq. Rie Thomsen Tristam Hooley-lu novemberimi nuummiimmata ulloq ataaseq angalatippai takornariartillugit. Oqaluttuassaa ugguuna atuarsinnaavat.

Pakkutannguaq arfineq pingasunik ukioqartoq nunatta kujataanut nunaqarfimmut Aappilattumut umiarsuaq takornariartaat tikippoq. Inuppassuit nunaqarfimmut sooq tikinnersut Pakkutannguup tupigisuutigaa – nunatsinni suniartut uku? Pinngortitaq pillugu tikittut nunamillu nuannarisaqalertut paasilerpaa. Tamanna takornarianik sullisserusussuseqalernermik Pakkutannguamut kinguneqarpoq.

Ilinniarnertuunngoreerami nunatta kujataani Issittumi Takornarianik Angallassisutut ilinniarpoq. Kingornatigullu Ilisimatusarfimmi Oqaatsit, Atuakkialerineq Tusagassiuutilerinerlu ilinniarpaa.

Pakkutannguulli pinngortitaq amigaatigaa. Taamaattumik Nuuk Water Taximi angallassisunngorpoq, pinngortitarlu nuannarigamiuk suliffini qiimanartippaa. 2023-milli tassani suliffeqalerpoq. Nunattalu kujataani ilaquttani tikikkusuleramigit Qaqortumut uterluni nuunnissani aalajangerpaa. Tassani takornariaqarnermi inuussutissarsiutinik inerisaanermi siunnersortitut sulisussanngorpoq – immikkoortortaqarfik taanna ukiuni aggersuni siuariartorfiusussaavoq. Ineriartornermi tassani Pakkutannguup peqataanissani qilanaaraa. Peeraa nunatta avannaaneersoq SAR-imi Issittumi annaassiniartartuusoq aamma nooqataassaaq.

Uagutsinnut inuusuttunik sullitaqartunut Pakkutannguup siunnersuutai

Nunatsinni inuusuttut amerlanerit ilinniagaqalernissaat anguniaraanni ilinniagaqarnissaq inersimasutut inuunermut tamatigut aallarniutigineqartariaqanngilaq. Tassami inuusuttut amerlasuut ”inersimasutut suliffeqalernissamut” piareersimanatik misigisarput, kissaatigilluakkaminnilli suliaqarusuttarlutik. Inuunerup ilaani kingusinnerusukkut – soorlu ilinniarnertuunngorniarfimmi – ilinniartitsisutut Pakkutannguaq sulissalluni takorluugaqareerpoq. Taassuma tungaanut pinngortitami qiimanermik tunisisartumi sulinissani pingaartippaa, pinngortitamiinnissanilu qiimanermik tunisisussaq pingaartilluinnarpaa.

Isumaqarpoq inuusuttut ilinniagaqarluarsinnaallutik oqaluttuunneqarsinnaasut, kisianni suliffimmik nuannarisaminnik piffissanngorpat nassaarsinnaapput – suliffillu taanna ilinniagaannut attuumassuteqartariaqanngilaq. Takornariaqarnermi nuannersorpassuarnik periarfissaqarpoq, taakkulu ilinniakkamut pinngitsooratik attuumassuteqartariaqanngillat.

Inuuneq naallugu ilinniarneq siusissukkut aallartittarpoq

Inuuneq naallugu ilinniarneq Pakkutannguamut isumaqarpoq, ilinniarneq inuuneq naallugu immikkoortuni ilinniagaqarnertut pisinnaasoq – ataasiaannarluni aalajangiinerusariaqanngilaq. Ilinniakkat soqutigisaanut tulluartut aqqusaarsimavai, allamullu sammivimmut sangussaguni ilisimavaa ilinniakkani kingusinnerusukkut uterfigisinnaallugit.

Nunatsinni inuusuttuni suut tapersersorneqartariaqarpat?

Nunatsinni inuusuttut pitsaanerpaamik tapersersorneqassappata pingaaruteqartut ukuupput:

• Ilinniarfissat eqaatsumik pilersinneqartariaqarput, suliffeqarneq ilinniagaqarnerlu inuusuttut katitersinnaasariaqarpaat.
• Sumiiffinni periarfissat erseqqissarneqartariaqarput, pingaartumik inuussutissarsiutini soorlu takornariaqarnermi, kultureqarnermi aamma pinngortitami.
• Sinnattut nuannarilluinnakkallu inissaqartinneqartariaqarput, inuusuttut ilinniagaqarneq killiliinertut misiginagu periarfissiisutut isigissavaat.
• Ikorfartuineq maligassiuisullu neqeroorutigineqartariaqarput, takutinneqassaaq ilinniagaqarneq piffissani assigiinngitsuni pisinnaasoq, taamaakkaluartorli inuuneq pitsaasumik ingerlanneqarsinnaasoq.
• Aqqutissiuussineq nukittorsarneqartariaqarpoq, inuuneq naallugu ilinniarneq ukkanneqassaaq, namminerlu aalajangiinissaq pisarneq malillugu suliffeqarnerup ingerlaneranit siulliutinneqartariaqarpoq.

Bebiane Møller Kristiansen ilinniartutut nammassisimanissaq ilinniarnermullu uppernarsaat paarinissaanut pilersaarusiorluarneq ilinniartuunerup nalaani aalajangiissutaasimavoq. Ulluinnaq nalunarsinnaasarpoq ingerlatinnissaa, amerlasuunullu katitertakkatulli misgiissinnaasarluni, ikinngutit, ilaquttat ilinniagassallu tamarmik ataatsikkoortaramik. Bebiane ilinniartussat immaqaluunniit ilinniartut pilerisaarpai sapinngisamik piffissartik pilersaartassaagaat. Tamakkiisumik ataatsimoortumik isiginninnermik aammalu piffissaqarnerulernissamik iluaqutaasinnaalluni. Taamatut ilinniarneq oqinnerpaamik naammasineqarsinnaavoq inernererusutallu anguniakkat angullugit. Bebiane-tulli ullut pilersaarnissaanut pikkoriffigiviuk?

Ilinniaruit periarfissat amerlanerit ilinnut ammakaassapput taamaasillutillu suliffissat amerlanerit periarfissarilissavatit. Suersaq Møller-mut ilinniarnissaanut periarfissat taakkua kajumissutaasimapput. Suersaq siunissani qulakkeerusussimavaa inuuneq nuannersoq toqqavillu aalajaatsoq. Siornatigut Suersaq pisiniarfinni sulinikuusimavoq pisinianillu sullissineq nuannarisimallugu. Suersaq ilinniartitsisuni ornissimavai aqqutissiortikkusulluni suna ilinniassanerluniuk. Siunnersortereerluni Suersaq paasivaa pisiniarfimmiutut ilinniarusulluni. Ilinniarnini assigiinnik suliaqarfinni atorsinnaallugu toqqissisimanermik tunisisimavoq, aammalu siunissami amerlasuunik periarfissanik ammaassisimalluni.